韓米 (御海灣)

Open Now

Now Closed

諗住係御海灣食個午餐，呢間韓國菜都唔錯喎，小店黎講款式算多，上菜又快，非常好。好，睇下有咩好食先。前菜櫃有好多韓式醃菜，又唔貴，好正咁喎！韓式拌飯套餐for 2人用，魚餅湯，熱湯好好飲，有胡椒味，三件魚餅，前菜有泡菜和醃蘿蔔。豬肉拌飯，所有配菜齊整排列好，配料充足，個飯有少少辣，醬汁都夠拌起成個飯，每啖都有飯有餸有汁，唔怕dry牛肉紫菜卷，個飯卷包得好靚，實淨唔鬆散，餡料好平均，食落味道唔錯。炸雞翼，外面炸到勁脆脆，裡面雞翼脹卜卜有雞油，正！跟餐仲有韓式飲品。