小火焰韓式咖啡廳 (金山樓) (Closed)

今日踩完單車經過大圍， 見到韓式咖啡店就諗住入去食下，因為出面好多人排隊所以我覺得應該都會幾好味。我同朋友就嗌咗炒年糕、芝士泡菜炒飯同埋韓式炸雞加薯條! 其實我覺得炒年糕同埋芝士泡菜炒飯都幾好味，佢哋都有少少甜辣，而炒年糕啲年糕就煮得好淋同埋好入味，另外個芝士泡菜炒飯啲芝士同埋啲泡菜中和番所以就覺得唔係幾辣，但係相對嚟講個韓式炸雞加薯條就有啲令人失望， 因為一嚟我哋等咗好耐以為係熱咁送到， 點知佢都係凍曬，另外唔知點解個甜辣雞有啲怪怪地，個薯條嗰個汁都ok嘅，不過係呢個炸雞拼盤有少少失望囉😤!