Video
Read full review
2018-10-24
268 views
話說早前有朋友試過銅鑼灣既Pizza Maru之後大讚好味兼有驚喜, 就推介我去試下, 仲提我一定要食下佢地既韓風pizza.小妹本身對於韓國菜冇咩特別大興趣, 但炸雞+pizza呢個組合又確實係無法抗拒. 上openrice一睇, 發現原來除左銅鑼灣外, 美麗華都開左分店, 於是就即刻約埋兩個姊妹一齊試下. 今次我地係經openrice網上book位, 可能因為book星期5晚既關係, 最遲可預約既時間只係去到18:30, 餐廳留枱15分鐘, 用餐時間90分鐘. 當晚18:45去到即刻安排到入座, 雖然時間尚早, 但眼見入座率已超過一半. 到7點3左右, 門口已經開始多人等位.作為韓國過江龍既Pizza Maru, 除左有多種口味既炸雞外, 仲有特色韓風pizza, 同埋各種韓式小食/意粉/飯. 一打開個menu花多眼亂, 我地3個女仔又唔可以叫咁多野食, 選擇困難症即刻發作. 經過一番討論後, 我地最終叫左以下食物 :群蟹派對-9"/6件(綠茶餅底)之前都未聽過有綠茶pizza, 黎到就梗係要試下有咩咁特別喇. Menu上有介紹, 話呢個綠茶麵團係佢地既獨家專利, 當中用左綠茶,
小妹本身對於韓國菜冇咩特別大興趣, 但炸雞+pizza呢個組合又確實係無法抗拒. 上openrice一睇, 發現原來除左銅鑼灣外, 美麗華都開左分店, 於是就即刻約埋兩個姊妹一齊試下. 今次我地係經openrice網上book位, 可能因為book星期5晚既關係, 最遲可預約既時間只係去到18:30, 餐廳留枱15分鐘, 用餐時間90分鐘. 當晚18:45去到即刻安排到入座, 雖然時間尚早, 但眼見入座率已超過一半. 到7點3左右, 門口已經開始多人等位.
作為韓國過江龍既Pizza Maru, 除左有多種口味既炸雞外, 仲有特色韓風pizza, 同埋各種韓式小食/意粉/飯. 一打開個menu花多眼亂, 我地3個女仔又唔可以叫咁多野食, 選擇困難症即刻發作. 經過一番討論後, 我地最終叫左以下食物 :
群蟹派對
$143
18 views
0 likes
0 comments
之前都未聽過有綠茶pizza, 黎到就梗係要試下有咩咁特別喇. Menu上有介紹, 話呢個綠茶麵團係佢地既獨家專利, 當中用左綠茶, 小球藻, 大麥等共 12 種天然穀物混合而成, 再低溫發酵24小時, 令到麵團健康得黎更有彈性.
Pizza一上枱個陣熱辣辣既香氣飄埋黎, 聞到都流哂口水, 一口咬落去, 雖然食唔出有咩綠茶味, 但有好香濃既穀麥味. 而個批底又真係幾煙韌有咬口, 唔會係個陣普通死死實實既麵包質感.
每件pizza上面都有隻彈牙蝦肉, 蟹肉, 仲有燒汁, 沙律汁, 酸酸甜甜都幾開胃.
甜辣秘制炸雞(非辛辣)
$108
10 views
0 likes
0 comments
好想叫多隻味試呀, 但6件雞只可以揀一個味, 要12件先可以揀兩個味. 每個口味都好吸引, 炸雞黎到, 非常之熱, 熱到要擺一陣先食到, 上枱時主動附上每人一隻手套方便食.
炸雞外皮好酥脆, 但又唔會好油, 裡面既肉依然好嫩滑好juicy; 甜辣汁其實唔辣, 甜甜地食落好似冇咁油膩, 但一人食兩件已經好飽.
紫蘇炸魷魚圈
$73
26 views
0 likes
0 comments
我地一人叫左一杯野飲, 大家都覺得除左魷魚圈外, 整體都唔錯, 值得下次再食.
Post
