BBQ 7080 (Closed)

對韓國食物一直都冇乜特別喜好, 今次都唔例外, 嚟個簡短summery: 韓式蒸蛋 - 好普通嘅味道, 似我平時喺屋企整嘅中式肉餅一樣! 有點家常感覺。燒豬皮 - 燒好後幾肥美, 肥肉嘅比例都幾厚, 燒好後, 侍應會幫手剪到細細舊方便食用。配住生菜嚟食食咗幾舊都唔覺得肥膩, 味道幾新鮮, 但覺得冇乜豬味。生菜好爽脆, 仲可以refill。鮑魚 - 最讚係新鮮嘅大鮑魚, 燒完都唔縮水, 大大隻! 啖啖肉! 雞翼 - 燒雞翼不嬲都冇得輸! 侍應好多後生嘅韓國侍應, 唔識講廣東話嘅! 要用英文溝通。裝橫幾cult吓, 我有個朋友比門口識郁嘅1比1公仔嚇咗一跳, 而店內嘅公仔畫得好嚇人, 仲有香港80年代嘅四大天皇畫像! btw 除咗泡菜之外, 我係唔好韓食嘅。