Video
Read full review
2021-11-17
69 views
今日同朋友來食雞煲+火鍋，可以一次過滿足兩種食慾。「特選滿足吃到飽」$298/位，任飲全食2小時。先食雞煲，食完再換火鍋湯底。有3款選擇，分別有自家製韓式芝士雞/ 招牌麻辣雞煲/老壇酸菜魚，湯底就有6款，除了掃QR code 網上落單牛、豬、雞、海鮮、酒......仲可以自助取多款配料、飲品及甜品。我地揀左韓式芝士雞，韓式甜辣雞已經熟，開爐熱溶芝士，開蓋時熱辣辣又香噴噴，個醬好好味，甜中帶微辣，仲有拉絲芝士味道濃郁，雞肉經炸香脆，再拌甜辣醬炒勻，雞肉微彈嫩腍，香口惹味。飲品櫃有10多款飲品，其中四款自家飲品好吸引。洛神花茶非常好飲，酸酸甜甜開胃消膩。蜂蜜菊花茶，清熱解毒食火鍋就岩飲。食完雞煲轉食火鍋，揀左芫茜皮蛋湯底，個湯都幾好飲，特別喜歡豆腐，估唔到超嫩滑好食。呢個套餐有5款部位的嚴選美國極品級靚牛，的確係貴精不貴多，牛肉質素幾好。雪花肥牛，雖然脂肪比例多，但特別有彈性，而且肉嫩牛味重。牛板腱，油花分佈均勻，肉質柔軟過牛下肩，嫩滑鮮甜。牛下肩，油花好靚，分佈如大理石紋，肉中細筋，所以食落軟中帶脆。金錢展，肉質結實且佈滿了牛筋，入口特別有咬口。牛胸爽就係白色一片片，別誤會係牛脂肪，其實
今日同朋友來食雞煲+火鍋，可以一次過滿足兩種食慾。「特選滿足吃到飽」$298/位，任飲全食2小時。先食雞煲，食完再換火鍋湯底。有3款選擇，分別有自家製韓式芝士雞/ 招牌麻辣雞煲/老壇酸菜魚，湯底就有6款，除了掃QR code 網上落單牛、豬、雞、海鮮、酒......仲可以自助取多款配料、飲品及甜品。
我地揀左韓式芝士雞，韓式甜辣雞已經熟，開爐熱溶芝士，開蓋時熱辣辣又香噴噴，個醬好好味，甜中帶微辣，仲有拉絲芝士味道濃郁，雞肉經炸香脆，再拌甜辣醬炒勻，雞肉微彈嫩腍，香口惹味。
飲品櫃有10多款飲品，其中四款自家飲品好吸引。洛神花茶非常好飲，酸酸甜甜開胃消膩。蜂蜜菊花茶，清熱解毒食火鍋就岩飲。
食完雞煲轉食火鍋，揀左芫茜皮蛋湯底，個湯都幾好飲，特別喜歡豆腐，估唔到超嫩滑好食。呢個套餐有5款部位的嚴選美國極品級靚牛，的確係貴精不貴多，牛肉質素幾好。
雪花肥牛，雖然脂肪比例多，但特別有彈性，而且肉嫩牛味重。
牛板腱，油花分佈均勻，肉質柔軟過牛下肩，嫩滑鮮甜。
牛下肩，油花好靚，分佈如大理石紋，肉中細筋，所以食落軟中帶脆。
金錢展，肉質結實且佈滿了牛筋，入口特別有咬口。
牛胸爽就係白色一片片，別誤會係牛脂肪，其實係牛胸前肋骨中間的軟骨部位，十分爽口，也較為罕見的部位。
黑豚肉好爽彈，豚肉味都重，脂肪唔算多，食完唔膩。
海蝦非常新鮮，因為除左肉實結實，爽口彈牙，仲蝦味突出，咬開蝦頭時，蝦汁豐富好濃蝦味。
鯇魚片做得好好，呢度做到好嫉滑，魚片上左層超薄粉醬，涮熟或涮耐左，都保持鮮甜肉嫩，好有驚喜。
墨魚滑及蝦滑都好真材實料，前者爽彈口感好，後者鮮味嫩滑彈牙。
自取的丸類都有特色，薑汁皮蛋丸、墨汁墨魚丸....都好味，蔬菜有5-6款都夠新鮮乾淨，最後煮埋個麵就好完滿。
甜品都有自助，可以整台式芋圓仙草豆花甜品，豆腐花好受歡迎，我配搭左豆花、紅豆、芋圓、仙草，自己加入糖水。豆腐花微暖入口超滑溜，紅豆粒甘甜粉綿，芋圓Q彈有咬口，仙草順滑清涼。
Post
