九重鮮 (Closed)

聽朋友介紹一間韓式蒸海鮮，餐廳好有特色，一入門口就見到各種韓服，同埋新鮮嘅貝殼類，入到餐廳職員就同我哋介紹各種唔同嘅海鮮，仲可以揀泡菜或者豬手做粥底，揀好套餐職員就會送上兩層嘅海鮮，有龍蝦、鮑魚、帶子，而海蝦同唔同嘅貝類係任食嘅。除咗海鮮，餐廳仲有各種串燒、天婦羅、韓式燒肉、銀子燒同各種主食可以任食，餐廳中間亦都有自助區，有蒸蛋、沙律、甜品可以自己攞，加多少少錢仲可以任飲清酒、白酒、紅酒，餐廳嘅食物品質唔錯，海鮮亦都好新鮮，性價比非常高。