Video
Read full review
2018-10-18
3672 views
本來諗住入黎食個lunch set 睇見個餐牌幾抵食，有一個主食再配一碟肉類！平時凈係個主食都已經唔平喇。。。點之。。。見到個午市火鍋價錢仲吸引，最平70蚊咁上下就有得打邊爐，然後我地就臨時轉軑決定食韓式火鍋！有四款湯底，普通韓牛牛骨湯就唔使加錢，其他都要加$20，鴛鴦湯就要加$30最後要咗海膽海帶湯，感覺清清地又好多海帶可以食。黑糖水正果 $25見到好似好養生又唔係好貴，就叫咗黎試試～係韓國傳統嘅養生飲品，可降膽固醇、健脾益胃，仲話可以舒緩經痛，講到好處多多咁，飲落就有好大陣肉桂香，混合薑茶嘅味道，我覺得都唔錯，一渣可以飲好耐～除咗套餐上面嘅肉都可以另外加一份份高級數啲嘅肉。西班牙豚肉肉味好重！係好新鮮嘅紅色肉質，完全唔會有騷味。而且切得非常薄，放入去滾幾下就食得，唔使計晒時咁等食～牛肉岩晒牛魔王啦！不過我比較喜歡食呢度嘅豬肉多啲，因為豬肉配呢度嘅特色韓醬好夾！芥末醬係點咩都咁好味，再另外加啲蒜泥，用黎點肉類冇得輸呀～每次食物到嘅時候都會喺上面個輸送帶運過嚟，好似都係第一次見呢種出餐方式，覺得勁新奇😂海鮮嘅種類就唔算好多，三四樣左右，都好過冇嘅～印象中味道都唔太突出，都係專心食返肉算
點之。。。見到個午市火鍋價錢仲吸引，最平70蚊咁上下就有得打邊爐，然後我地就臨時轉軑決定食韓式火鍋！
有四款湯底，普通韓牛牛骨湯就唔使加錢，其他都要加$20，鴛鴦湯就要加$30
最後要咗海膽海帶湯，感覺清清地又好多海帶可以食。
黑糖水正果 $25
見到好似好養生又唔係好貴，就叫咗黎試試～係韓國傳統嘅養生飲品，可降膽固醇、健脾益胃，仲話可以舒緩經痛，講到好處多多咁，飲落就有好大陣肉桂香，混合薑茶嘅味道，我覺得都唔錯，一渣可以飲好耐～
除咗套餐上面嘅肉都可以另外加一份份高級數啲嘅肉。
西班牙豚肉
肉味好重！係好新鮮嘅紅色肉質，完全唔會有騷味。
而且切得非常薄，放入去滾幾下就食得，唔使計晒時咁等食～
牛肉岩晒牛魔王啦！不過我比較喜歡食呢度嘅豬肉多啲，因為豬肉配呢度嘅特色韓醬好夾！芥末醬係點咩都咁好味，再另外加啲蒜泥，用黎點肉類冇得輸呀～
每次食物到嘅時候都會喺上面個輸送帶運過嚟，好似都係第一次見呢種出餐方式，覺得勁新奇😂
海鮮嘅種類就唔算好多，三四樣左右，都好過冇嘅～印象中味道都唔太突出，都係專心食返肉算吧啦🤧
另外有啲無限添加嘅泡菜同小菜，食到濟嘅時候可以轉食下泡菜，即時開胃咗
食到尾聲當然就唔少得蔬菜啦～覺得佢蔬菜同菇類嘅種類都算幾多，連蟲草花都有，放咗好多落去煲湯😂
呢個對我來講真係無法抗拒，係乳酪雪糕同抹茶雪糕！！食完真係飽到上心口啦
Post
