伽倻韓國餐廳

Open Now

Now Closed

Set G 四人餐 $1580🍺另外order了 3杯喉啤酒，啤酒杯係放冰箱的😳，可以keep住啤酒低温，唔洗加冰💯。🥗前菜有 甜薯仔、泡菜、芽菜、甜魚仔、菜仔、辣豆腐、辣雜菜，全部都可以無限任添加的😋，當中我個人最喜歡甜薯仔。🥩烤牛肉脊片伴雜菜（中）用牛肉卷住生蒜同洋蔥，再點汁去食，牛肉味唔重，唔點汁好似冇咩味。🥩烤特級牛肋骨（兩件）醃得好好食😍👍🏼佢味道比其他餐廳醃得較為甜，但好岩我口味。侍應會好貼心咁剪開分件先再俾我地燒。🥩烤特級豬眼扒（兩件）冇咩特別，有少少柴😅。🥓秘製烤辣豬腩片（一份）其實醃得唔係好辣，仲有少少甜，非常惹味👍🏼。🥬鮮生菜配雜菜沙律生菜好新鮮，又大塊同完整❤️。🥟韓式炸餃子（13隻）細細粒，炸得好香口，皮薄餡靚😋。🍕海鮮煎蔥餅（中）海鮮煎蔥餅入面有啲蝦仔同魷魚。侍應會切開分埋上碟，服務周到。🍲腸仔火腿什錦火鍋（少辣）即係部隊銅。🍧甜品有紅豆沙冰、朱古力沙冰、芒果沙冰同生果盤選擇，朱古力沙冰味道唔錯，有朱古力雪糕球，沙冰打得超碎👍🏼。