Goobne Chicken (屯門時代廣場北翼)

Open Now

Now Closed

間中就會幫襯的好味韓國烤雞店。今次1點半黎到屯門店人唔多，可以直接入座。店舖以簡潔裝潢，播住韓國歌，等大家置身係韓國食烤雞咁，部份侍應係韓國人添～餐廳餐點份量較大，人少食就記住唔好眼闊肚窄啦。兩個人食一隻雞都幾飽。餐點以韓國炸雞、烤雞、主食、沙律、小食為主。雙拼烤雞（有骨）🍗 $248鴛鴦烤雞一次食倒兩個口味～烤雞即叫即製，香脆又熱辣辣，肉汁滿滿，十分惹味清清口腔解肥膩。每款味道約6-7件。甜辣烤雞🌶️｜酸甜辣醬，微微香辣蜜糖蒜香烤雞🍯｜蜜糖黑蒜汁配上炸蒜片韓式雞蛋卷🥚 $148份量十足的玉子燒，餡料豐富。有青瓜、醃紅蘿蔔、餐肉、海苔同芝士，蛋卷好厚實，質感嫩滑，滿足感滿分💯。柚子蜜雞尾酒🍸 $150以清新的柚子蜜調製，酒精味道唔太濃，好似飲緊果汁咁，容易入口，用黎配烤雞食就最啱啦～唔覺唔覺會愈飲愈多，飲到有少少醉。