Video
Read full review
2025-01-30
262 views
嚟緊就係蛇年，原來賀年都唔一定要食中菜，見呢間韓式cafe就趁新年推出咗應節嘅蛇年新春menu，嘢食有特色得嚟仲好好意頭。蛇麼都要韓式煎餅拼盤 $122拼盤入面除咗有韓式煎餅，仲有爽彈大蝦、香菇、juicy茄子同翠玉瓜，款款都用蛋漿煎到金黃，寓意蛇年可以盤滿缽滿，點埋辣汁食就更加惹味。鮑鮑高昇飯卷 $128用鮑魚做配料嘅韓式飯卷配真係第一次食。原隻彈牙鮑魚仔加埋d爽脆蔬菜絲，成個飯卷非常有口感。飯卷面頭仲搽咗d辣醬，食落就更加有韓國風味。明太子奶油年糕 $92呢到嘅年糕非常特別，呈長條狀，冇平時食d年糕咁粗咁厚，口感煙靭q彈得嚟又唔會太難咬，個明太子奶油醬汁好香好creamy。蛇年喜有柿你窩夫 $138甜品方面就有用柿做主題嘅窩夫。窩夫口感鬆軟，連埋忌廉、蜂蜜同柿醬汁一齊食，勁滿足。仲有個仿真柿賣相勁靚其實係大福嚟，軟糯嘅外皮入面包住忌廉同香甜柿肉。橘子咖啡 $58呢杯橘子咖啡，面頭飄住一塊檸檬，咖啡底就有橘子蜜，咖啡好香濃又唔會太甜，入口帶d檸檬嘅清香。柿事連連柿子綠茶 $58朋友叫嘅呢杯柿子綠茶，除咗面頭有奶蓋，綠茶仲加入咗柿汁同柿肉，飲落香得嚟唔會話太甜。。。Terrace in
蛇麼都要韓式煎餅拼盤 $122
拼盤入面除咗有韓式煎餅，仲有爽彈大蝦、香菇、juicy茄子同翠玉瓜，款款都用蛋漿煎到金黃，寓意蛇年可以盤滿缽滿，點埋辣汁食就更加惹味。
鮑鮑高昇飯卷 $128
用鮑魚做配料嘅韓式飯卷配真係第一次食。原隻彈牙鮑魚仔加埋d爽脆蔬菜絲，成個飯卷非常有口感。飯卷面頭仲搽咗d辣醬，食落就更加有韓國風味。
明太子奶油年糕 $92
呢到嘅年糕非常特別，呈長條狀，冇平時食d年糕咁粗咁厚，口感煙靭q彈得嚟又唔會太難咬，個明太子奶油醬汁好香好creamy。
蛇年喜有柿你窩夫 $138
甜品方面就有用柿做主題嘅窩夫。窩夫口感鬆軟，連埋忌廉、蜂蜜同柿醬汁一齊食，勁滿足。仲有個仿真柿賣相勁靚其實係大福嚟，軟糯嘅外皮入面包住忌廉同香甜柿肉。
橘子咖啡 $58
呢杯橘子咖啡，面頭飄住一塊檸檬，咖啡底就有橘子蜜，咖啡好香濃又唔會太甜，入口帶d檸檬嘅清香。
柿事連連柿子綠茶 $58
朋友叫嘅呢杯柿子綠茶，除咗面頭有奶蓋，綠茶仲加入咗柿汁同柿肉，飲落香得嚟唔會話太甜。
。
。
Terrace in seaside (MOKO新世紀廣場) (旺角)
旺角太子道西193號MOKO新世紀廣場3樓346&347號舖
。
。
Post
