Video
Read full review
2018-03-27
204 views
香港地食韓燒嘅地方開到成巷成市，真係梗有一間係附近，而「平昌」係香港就有兩間分店，分別係旺角同佐敦。今次係第二次到訪佐敦分店，餐廳位於莊士倫敦廣場，非常近地鐵站，晚飯時間每位都係＄200左右，可以食足兩個鐘。有別於傳統韓燒餐廳，呢度係落單而唔係自己出去拎野食，咁樣就方便同朋友傾計啦。餐牌上面選擇都算多，豬肉牛肉雞肉腸仔海鮮熟食，真係咩都有得食，至於飲品，當然都係任飲架啦。飲品除左有一般汽水之外，仲有各類型嘅韓式飲品添。係我地叫嘅食物未到之前，當然係食下小食先啦，呢幾樣小食當中，我最喜歡嘅係泡菜，辣度剛剛好，越食越開胃呀。小食旁邊仲有生菜，客人喜歡嘅話可以用黎包住D肉食。熟食方面我地叫左泡菜辣湯同埋韓式炒粉絲，泡菜辣湯賣相有少少似羅宋湯，入口辣辣地，好好味。至於韓式炒粉絲就加入左唔同嘅蔬菜，食起來嘅層次真係幾豐富，無得頂啦。 燒物方面我地叫左各式各樣嘅豬肉牛肉雞肉同海鮮，全部都醃得好入味。燒雞翼方面皮脆肉嫩，味道濃郁，肉汁又香， 燒起都香噴噴。至於辣醬豚五花肉亦都唔算太肥，雞肉亦都相當嫩滑。除此之外，呢度個爐仲可以整埋爐邊蛋，雖然等候需時，但係可以無限量添，真係唔錯。呢度無論食物，環境
今次係第二次到訪佐敦分店，餐廳位於莊士倫敦廣場，非常近地鐵站，晚飯時間每位都係＄200左右，可以食足兩個鐘。有別於傳統韓燒餐廳，呢度係落單而唔係自己出去拎野食，咁樣就方便同朋友傾計啦。
餐牌上面選擇都算多，豬肉牛肉雞肉腸仔海鮮熟食，真係咩都有得食，至於飲品，當然都係任飲架啦。
飲品除左有一般汽水之外，仲有各類型嘅韓式飲品添。
係我地叫嘅食物未到之前，當然係食下小食先啦，呢幾樣小食當中，我最喜歡嘅係泡菜，辣度剛剛好，越食越開胃呀。小食旁邊仲有生菜，客人喜歡嘅話可以用黎包住D肉食。
熟食方面我地叫左泡菜辣湯同埋韓式炒粉絲，泡菜辣湯賣相有少少似羅宋湯，入口辣辣地，好好味。至於韓式炒粉絲就加入左唔同嘅蔬菜，食起來嘅層次真係幾豐富，無得頂啦。 
燒物方面我地叫左各式各樣嘅豬肉牛肉雞肉同海鮮，全部都醃得好入味。燒雞翼方面皮脆肉嫩，味道濃郁，肉汁又香， 燒起都香噴噴。至於辣醬豚五花肉亦都唔算太肥，雞肉亦都相當嫩滑。
除此之外，呢度個爐仲可以整埋爐邊蛋，雖然等候需時，但係可以無限量添，真係唔錯。呢度無論食物，環境，通風系統同埋服務都唔錯，職員亦都會按需要同客人換爐，唯一美中不足嘅係只有一樣甜品提供，如果可以有多d選擇嘅話就好啦。
Post
