Video
Read full review
2021-08-20
158 views
好似都冇食韓燒，留意到旺角有間價錢幾抵食，就去試下。我哋係平日夜晚去食，揀咗「世子」套餐，每人就$198加一。雖然係平日，我地8點到都已經坐滿左，要等位。好似正常韓餐咁，佢都有送前菜、生菜同爐邊蛋，可以無限添👌🏻泡菜比我想像中好食，比較新鮮juicy。加咗啲泡菜落蛋到，食落去幾正😂飲品可以任飲，有韓式汽水、烏龍茶等。肉類我哋每樣都有叫幾件，豬、牛、雞、海鮮當中，我哋覺得牛肉相對來講比較高質，燒完多啲肉汁同比較juicy。不過記得唔好燒太熟，一開始我哋燒得太耐好硬成嚿橡筋咁🤦🏻♀️🥩牛肉就推介LA牛排同牛舌，但牛舌真係燒兩下就好拎上嚟，如果唔係硬過橡筋😂🐓雞肉都不錯，燒完幾鮮嫩👍🏻🐖豬肉同🦐海鮮就一般，期待嘅五花腩燒完都係比較硬身，叫薄切五花腩片會好少少🤏比較驚喜嘅係呢間有熱食都可以任叫，平時出邊叫都要$70-90，呢到可以食到好多款💕我就叫左大醬湯。總括嚟講呢間都幾抵食，多選擇，對得住呢個價錢。平時出去食韓燒散叫兩個人都要$500-$700，呢間都算係平食之選👍🏻
我哋係平日夜晚去食，揀咗「世子」套餐，每人就$198加一。
雖然係平日，我地8點到都已經坐滿左，要等位。
好似正常韓餐咁，佢都有送前菜、生菜同爐邊蛋，可以無限添👌🏻泡菜比我想像中好食，比較新鮮juicy。
加咗啲泡菜落蛋到，食落去幾正😂
飲品可以任飲，有韓式汽水、烏龍茶等。
肉類我哋每樣都有叫幾件，豬、牛、雞、海鮮當中，我哋覺得牛肉相對來講比較高質，燒完多啲肉汁同比較juicy。不過記得唔好燒太熟，一開始我哋燒得太耐好硬成嚿橡筋咁🤦🏻♀️
🥩牛肉就推介LA牛排同牛舌，但牛舌真係燒兩下就好拎上嚟，如果唔係硬過橡筋😂
🐓雞肉都不錯，燒完幾鮮嫩👍🏻
🐖豬肉同🦐海鮮就一般，期待嘅五花腩燒完都係比較硬身，叫薄切五花腩片會好少少🤏
比較驚喜嘅係呢間有熱食都可以任叫，平時出邊叫都要$70-90，呢到可以食到好多款💕我就叫左大醬湯。
總括嚟講呢間都幾抵食，多選擇，對得住呢個價錢。平時出去食韓燒散叫兩個人都要$500-$700，呢間都算係平食之選👍🏻
Post
