韓閣 (富裕樓) (Closed)

韓閣一直都係荃灣入面出名cp值高既良心韓國餐廳，平時夜晚都唔少人等位架，所以想黎食既話要預多少少時間拎飛啦！✨傳統甜辣味炸雞（半份）一向都最中意食傳統口味既炸雞，呢隻辣醬唔會太辣，反而食到淡淡既辣椒香氣，加上甜甜地既醬，令味道提升一個層次，同雞肉非常夾。炸雞既外皮鬆脆，肉質好嫩滑，仲食到啖啖肉汁添！而且估唔到半份炸雞份量都幾多，有成6件，包括兩件雞槌同四件大雞件，食完超級滿足！✨芝士岩漿炒飯黎到點可以唔叫呢到最出名既芝士岩漿炒飯呢！呢個炒飯真係超邪惡，係鐵板既炒飯上面鋪滿哂芝士，趁佢融哂個時同啲飯撈埋一齊食，所以食落有濃郁既奶香同芝士既咸香。配料有啲泡菜同豬肉，令味道辣得黎酸酸地，食落唔算好滯。不過呢個飯真係太邪惡啦，所以最好同朋友一齊share，唔洗自己一個肥，哈哈！✨韓閣雜錦蛋卷呢個超級驚喜。因為一般係出面既韓閣餐廳食蛋卷個時，蛋卷都係好薄，而且煎到啲蛋老哂好鞋口。但呢到就唔同啦，蛋卷有成3-4cm厚，食兩舊都飽左。佢仲保持到雞蛋滑溜既口感，最正既係上面啲蟹籽同泡菜，多到好似唔洗錢咁，超級足料。