啤啤Bear韓國包車

Open Now

Now Closed

最近睇得多韓國大廚比賽節目，心思思好想食韓國嘢，就約咗朋友一齊去尖沙咀食。餐廳用韓國機舖做主題，門口好多打卡位，行到入邊都係。蟹籽海鮮蛋卷蛋卷煮得非常好，食落軟身又滑，上面加左好多蟹籽，中間嘅海鮮非常彈牙，令人喜出望外。BUTTER X GARLIC 無骨炸雞炸雞即叫即炸，上枱仲係熱辣辣，表面金黃，外脆內軟，雞肉鮮嫩，唔會太乾身或者好油，牛油同蒜蓉味配合得天衣無縫，我同朋友食完一嚿都繼續不停再食。大發！芝士鐵板黑松露炸醬拉麵拉麵用咗三種芝士，上面隻蛋煮得啱啱好，黑松露炸醬比想像中多，拉麵嘅軟硬適中，口感唔錯，配埋溶咗嘅芝士食，又係停唔到口。無限黑金烤肉專區！餐廳做緊優惠，每枱只要叫一份烤肉，就可以免費追加五花肉，咁抵梗係要叫。五花肉脂肪同肉層次分明，切嘅厚薄適中，好容易燒，仲有埋生菜包。飲品我哋叫咗This Summer 菠蘿冰茶同"Drink Me!"粉紅西袖特飲，兩杯飲品都有果乾送，味道唔會好甜，飲落好清涼。餐廳性價比高，下次有機會會再去。