Mad for Garlic (Closed)

韓國菜我一向都好少接觸，因為唔太岩食，不過見呢間係fusion 既韓國菜就即管試試。係又一城既餐廳，我覺得一向氣氛都幾好，可以係因為商場設計開揚，坐得好舒服。我地叫左個忌廉汁煮藍青口+法包，蒜香忌廉蟹肉龍蝦肉意粉，蒜香扒石班配香煎帶子。青口分量都幾多下，個醬汁有小小辣幾惹味，青口亦鮮甜，好味道！食完青口用法包點忌廉汁，好香好好食。個意粉既蟹肉同龍蝦肉相當足料，兩種咁甜既海鮮加埋一齊令味道層次變得好豐富。到左我既至愛—石斑加帶子。所有野煎得岩岩好，做到外脆內juicy, 加埋蒜片就更香口。韓國fusion 初體驗非常有驚喜，極之滿意！