韓Cook (Closed)

最近韓風咁hit，睇太陽的後裔睇到我入晒腦，出黎搵食都要食韓野！ 今次黎尖沙咀韓食街先！因為食brunch都三四點，店面無乜人，寬敞又舒服，得我地幾個最嘈！ 其實個裝修都幾有格調呀！樓底又夠高，空間感不錯！ 前菜小食如果多Ｄ就好啦！ 不過我地叫左好多野食，都無問有無得refill。韓菜中大愛炆牛肋骨，呢度炆得又夠稔又入味，仲有幾件年糕，都好入味又juicy，正！ 初次試食韓式冷麵，比想像中好味喎！ 雖然有冰水係度，但唔係淡而無味，相反Ｄ都好有味，仲有少少配菜（半隻雞蛋同牛"月展"），配合佢都質煙煙unun，好味 人蔘雞湯必點，呢度好大兜，四個人一人都有差不多一大碗，不過就略嫌少Ｄ人蔘味，但個湯都幾好飲 海鮮煎餅驚喜地好味，新鮮熱辣整起，餡料十足！餅底又唔會太厚，又香又好味！ 韓式豬手係我另一至愛菜式，呢邊既豬手略嫌稔得滯，肥肉同瘦肉直接自行分開，結果我地大部分都只係食瘦肉。 傾下講下都坐左好耐，坐到人地店員都係度食飯準備下場。 呢個鐘數隔離有Ｄ店直接落場唔做生意，呢間係其中一間照做，如果遇著尷尬時間都可以係一個好選擇呀！ 大概夜晚黎會有好多人排隊掛。