Seoulmate (京都廣場) (Closed)

一早已經有留意到呢間餐廳，尤其係佢標誌性既「雪山」，想知係咩？一陣揭曉。今日放工經開銅鑼灣，突然醒起Seoulmate Café既存在，自然在不用多想既情況下決定去試一試。一開始都怕今日沒book位需要等，不過好彩今日係平日，不用等位就可以入座。餐廳既設計以簡約舒服為主，似係温暖家庭感覺的格調。所謂「雪山」，開估啦，自然係佢既招牌雪山黑松露燴飯。單單睇已經足以吸引眼球，相機食都會食飽。「雪山」外層是白雪色和竹炭色既蛋白，而裏面就係黑松露海鮮飯，如此可愛既外型，根本唔太捨得食。動手啦，上層既蛋汁一傾而下，飯裡面加左芝士，係韓風既特色。當然唔少得黑松露既味道，加上蝦、魷魚等海鮮粒，珍珠飯口感好煙靱的，不過味道略嫌淡左少少，都算值得一試。食韓國野點可以沒泡菜，我地叫左泡菜煎餅。賣相唔算特別吸引，不過味道顯重要。煎餅既粉漿唔算厚，而且入口香脆不油膩，煎得比較乾身，加上本身泡菜既少少辣味，配搭得很合適。最後仲叫左青梅串串烤猪腩肉，呢個絕對係喜出望外之選。七成瘦三成肥，食落唔會覺得好油好肥既感覺。加上落左醬料，將味道似乎帶左去另外一個層次，下面仲有蔬菜，突然覺得健康左，哈哈。飲品就叫左濟州橙摩卡，