Video
Read full review
2018-08-27
212 views
又黎啦又黎啦！上次幫襯左銅鑼灣店(有興趣可以睇返之前既食評)，食過之後真係好難忘，要食麻辣火鍋就第一時間記起呢間，而今次就走左黎灣仔呢間分店，相比之下銅鑼灣果間既燈光好似柔和啲，呢到就光猛啲同比較多白領以及外國人。上一篇食評尾段中打左少少私人感情落去，講話我好想帶果時分開左既前度黎食，因為我地兩個都十分之嗜辣，今晚……我就係同佢黎食啦！佢同我預計一樣食得好開心，好岩佢口味，好開心一個小小既心願真係成真左不同分店價錢都有啲唔同一定會有圍裙供應同上次一樣，點完鍋底之後，店員就會送上雪耳紅棗糖水，比你滋潤個胃先再食辣！醬料及茶水$20/位自己溝油碟，跟住餐紙上教既就得九宮格麻辣大紅鍋 $38/位(湯底以人頭收費)上次點左鴛鴦鍋底，今次就齋食辣！雖然上篇食評都介紹過，但都要講下，呢到既麻辣火鍋係選用重慶最辣既「朝天紅」、茂汶大紅袍同埋金陽青花椒，再加入石柱辣椒、郫縣豆瓣等等十幾種香料。而點解要係九宮格既設計？相傳佢既來源係因為最初係重慶碼頭一帶，挑擔子工人買左水牛既內臟專向碼頭工人兜售，咁一個鍋做得一個人生意，碼頭咁多工人來往，就諗到將個鍋加個十字形鐵架分成9小格，客人就認住自己食果格唔會撈
上一篇食評尾段中打左少少私人感情落去，講話我好想帶果時分開左既前度黎食，因為我地兩個都十分之嗜辣，今晚……我就係同佢黎食啦！佢同我預計一樣食得好開心，好岩佢口味，好開心一個小小既心願真係成真左
不同分店價錢都有啲唔同
一定會有圍裙供應
同上次一樣，點完鍋底之後，店員就會送上雪耳紅棗糖水，比你滋潤個胃先再食辣！
醬料及茶水$20/位
自己溝油碟，跟住餐紙上教既就得
九宮格麻辣大紅鍋 $38/位(湯底以人頭收費)
上次點左鴛鴦鍋底，今次就齋食辣！雖然上篇食評都介紹過，但都要講下，呢到既麻辣火鍋係選用重慶最辣既「朝天紅」、茂汶大紅袍同埋金陽青花椒，再加入石柱辣椒、郫縣豆瓣等等十幾種香料。而點解要係九宮格既設計？相傳佢既來源係因為最初係重慶碼頭一帶，挑擔子工人買左水牛既內臟專向碼頭工人兜售，咁一個鍋做得一個人生意，碼頭咁多工人來往，就諗到將個鍋加個十字形鐵架分成9小格，客人就認住自己食果格唔會撈亂；亦都有話9格係可以放碌需時唔同既食物，例如快熟既放中間、冇咁快熟既放兩邊等等各種既說法，就有依家既九宮格麻辣火鍋啦！
至於味道方面，唔同鴛鴦鍋，上次食鴛鴦鍋時，店員要我揀辣度，但今次冇叫我揀。比上次食既冇咁辣，但辣度都足夠，味道同上次食既味一樣，肉羶味強，先辣後麻，依然係咁正！
今次配料方面同上次食既一樣，只係試左一款上次冇食過既，其他都一樣，因為食過覺得好好食，好想佢試下，全部都有一份或者半份可選，我地都係食全份：
極品鵝腸 $87/份
呢樣上次冇試過，我自己本身都好少食，定基本上係冇食過，原來鵝腸係咁白雪雪咁乾淨，碌1分鐘，食落表面好滑身，但又有爽脆有咬口，佢熟左次後捲埋一舊又會掛到啲湯，唔錯
稻田毛肚 $112/份
稻田毛肚
$112
10 views
0 likes
0 comments
稻田毛肚
$112
19 views
0 likes
0 comments
烚15秒，每塊都大大塊又薄身，佢凹凸不平既表面令佢可以掛湯，爽脆又索汁
鮮黃喉 $99/份
鮮黃喉
$99
21 views
0 likes
0 comments
鮮黃喉
$99
19 views
0 likes
0 comments
黃喉即係豬心管，呢個係烚2分鐘，同樣都係爽脆口感，比起鵝腸口感食落厚身啲同有嚼勁啲
重慶耗兒魚 $79/份
重慶耗兒魚
$79
28 views
0 likes
0 comments
重慶耗兒魚
$79
24 views
0 likes
0 comments
呢個真係一定一定要點，烚佢10分鐘。少骨，肉質鮮嫰，仲會愈食愈甜
美國安格斯優質肥牛 $198/份
美國安格斯優質肥牛
$198
9 views
0 likes
0 comments
美國安格斯優質肥牛
$198
12 views
0 likes
0 comments
碌5-10秒就OK，同上次食既一樣咁靚仔，塊塊都好大塊同厚身，紋理清晰，肉質唔會乾身，水準依舊
紅糖糍粑 $68/份
紅糖糍粑
$68
9 views
0 likes
0 comments
紅糖糍粑
$68
21 views
0 likes
0 comments
我當然又係中意就咁食，炸到金黃色，外層炸粉好薄，而內裡粘糯，配上紅糖汁，煙韌又唔會太甜。如果將佢放入麻辣鍋碌一碌幾秒食又得，甜甜地又辣辣地咁
洛神花茶 $18/杯
當然唔係我飲，我就唔中意飲洛神花茶，真係好似酸梅湯味，唔岩我
上次係銅鑼灣店冇留意到有呢個位
左邊係洛神花茶，但今日黎既時候冇，店員話係繁忙時間先會放出黎等客人可以先自己斟，右邊就有清除食完麻辣火鍋味既薄荷糖。又係超級開心的一餐晚飯，今次同和好既另一半黎食，見佢食得津津有味都好滿足，要同佢一齊繼續去食辣野！！
Post
