宴．鐡板燒 (亨環‧天后)

Open Now

Now Closed

同朋友慶祝生日，特意揀咗呢間鐵板燒，坐喺吧枱一邊欣賞師傅純熟技巧，一邊享用精緻美食，簡直係雙重享受。今次我哋揀咗$428/位，有9道菜既宴午市套餐，套餐有前菜、刺身、壽司，鐵板燒則有海鮮、鵝肝、牛肉等等豐富食材。前菜 : 鮟鱇魚肝多士鮟鱇魚肝非常creamy、甘香四溢，配以香脆多士刺身 : 深海池魚王 - 鮮甜爽口，口感一流            吞拿魚赤身 - 肉質軟滑，充滿油香  壽司 : 北海道銀雪魚裙邊 - 油香滿滿，令人回味             長崎池魚壽司 – 同樣鮮味十足鐵板燒 : 牛油煎澳洲大蝦 - 只用牛油煎香蝦頭同蝦身已足夠將鮮味帶出，不需要其他調味。師傅預先將蝦頭切開處理，非常細心。宮城縣帶子配三文魚子 - 帶子生熟程度剛好，嫩滑彈牙，湯汁極級鮮甜美味，有驚喜! 三文魚子嘅鹹香令帶子更鮮味。法國鵝肝 : 鵝肝入口即溶，以藍莓醬令味道更出色，減少油膩感。美國頂級牛肉 -  牛柳粒燒至五成熟，充滿肉汁。另外薄燒包着蔥花同蒜粒，香濃惹味。最後，師傅再炮製櫻花蝦炒飯，配海帶麵豉湯及炒菜。炒飯粒粒炒得乾身，充滿飯香。