Video
Read full review
2023-11-29
1003 views
❤️🔥近幾年香港開左不少日式鐵板燒，嘗鮮既心態下自己都不時去試唔同既餐廳 😋 呢個星期 Book 左呢間位處尖沙咀海港城附近既鐵板燒，各款菜式以突出食材天然既鮮味為主旨，一試難忘，值得一推 💜👅 午市精選2人前套餐🔹 前菜- 粟米凍湯甘甜富粟米香味既凍湯，口感較稠杰，碗中有幾片蓮花莖乾片，咬感香脆 🪷 碟上另有一串塗抹荔枝汁既蕃茄串，味道幾特別，酸甜中有隱隱荔枝香 🍒- 紫蘇乾花龍蝦肉蛋碗蒸即整即製既蛋碗蒸，口感相當柔滑，入口即融 🤤 表面鋪上一層龍蝦汁，味道濃郁，碗中又有紫蘇作為調味，帶來清新之意 🌱🔸季節燒魚是日供應既係甘鯛魚，呢款魚本身無乜油份，魚味會較明顯。經過燒製後，燒魚皮脆肉軟，廚師以自製既酸菜魚調味，特別既係汁醬味道酸中帶甘，且有少許麻香但唔辣。配合甘鯛魚食用，提高左味道既豐富感，又不會喧賓奪主搶去魚肉既鮮美 🐠🐠🔹 南非鮑魚必須推薦❗️一食難忘既一道菜 ✨✨南非鮑魚個頭大，廚師以香煎既方法蒸發出鮑魚自身既海水味，就算不加鹽味道都好充足，味道甘香鮮甜。口感爽軟兼有，頭尾既嫩肉較軟身，中間位置較爽身。加入伴有既鮑魚肝醬更顯芳香，不過個人比較喜歡原味食用 😋總結：油份、口感、
近幾年香港開左不少日式鐵板燒，嘗鮮既心態下自己都不時去試唔同既餐廳 😋 呢個星期 Book 左呢間位處尖沙咀海港城附近既鐵板燒，各款菜式以突出食材天然既鮮味為主旨，一試難忘，值得一推 💜
👅 午市精選2人前套餐
🔹 前菜
- 粟米凍湯
甘甜富粟米香味既凍湯，口感較稠杰，碗中有幾片蓮花莖乾片，咬感香脆 🪷 碟上另有一串塗抹荔枝汁既蕃茄串，味道幾特別，酸甜中有隱隱荔枝香 🍒
- 紫蘇乾花龍蝦肉蛋碗蒸
即整即製既蛋碗蒸，口感相當柔滑，入口即融 🤤 表面鋪上一層龍蝦汁，味道濃郁，碗中又有紫蘇作為調味，帶來清新之意 🌱
🔸季節燒魚
是日供應既係甘鯛魚，呢款魚本身無乜油份，魚味會較明顯。
經過燒製後，燒魚皮脆肉軟，廚師以自製既酸菜魚調味，特別既係汁醬味道酸中帶甘，且有少許麻香但唔辣。
配合甘鯛魚食用，提高左味道既豐富感，又不會喧賓奪主搶去魚肉既鮮美 🐠🐠
🔹 南非鮑魚
必須推薦❗️一食難忘既一道菜 ✨✨
南非鮑魚個頭大，廚師以香煎既方法蒸發出鮑魚自身既海水味，就算不加鹽味道都好充足，味道甘香鮮甜。口感爽軟兼有，頭尾既嫩肉較軟身，中間位置較爽身。
加入伴有既鮑魚肝醬更顯芳香，不過個人比較喜歡原味食用 😋
總結：油份、口感、鮮度為一級 ❤️🔥❤️🔥
🔸 沙巴虎蝦
以 Red pepper souse 炒虎蝦 🦞 沿用蝦膏蝦油炒香整道菜，入口整個口腔充滿濃郁既蝦味，並帶有醬汁既甘甜醇香😋
🔹 鵝肝
鵝肝油脂味香濃，並不會羶臭，口感柔軟，加上 Topping 既蘋果蓉及伴碟凍菠蘿正好帶走口腔中多餘既油膩感 😋
🔸 日本鹿兒島黑豚肉
主菜之一，香煎包裏住香蔥及薑既豚肉，如果不點醬食未免有點清淡，因此可以配搭鹽漬昆布或紫蘇梅醬食用，前者為整道菜加了點鹹味，提升左味道既豐富度，後者清香甘甜 🌞
🔹 美國牛肉
主菜之一，香燒包裏住炒蒜既牛肉，牛肉軟稔濃味，但食耐左會有d 油，點 Wasabi 食剛好沖刷走油膩感～
🔸 炒飯 + 炒野菜 + 湯
以芝麻粒粒、青蔥、蘿蔔粒、酸菜等配料炒飯，味道清淡中帶芝麻香。炒野菜青翠爽口，有陣陣胡椒香氣。至於面豉湯，則以虎蝦蝦頭熬煮，味道極香濃 🦐🦐
🔹 甜品
一份燒香糖麵包配開心果雪糕/咖啡，麵包塗抹上牛油、加上不少白糖後燒，甜甜地又有陣陣牛油味，開心果雪糕清甜美味，咖啡澀中帶甘。作為甜品呢個組合相當出色 ✨
▫️◾️▫️◾️▫️◾️▫️◾️▫️◾️▫️◾️▫️◾️▫️
媄鐵板燒日本料理和酒 (尖沙咀)
📍尖沙咀廣東道122-126號中港中心7樓
💸 ~ $ 1400 / 2人 連加一
Post
