順德公漁村河鮮酒家 (Closed)

順德菜一向以河鮮、梅菜出名，早幾晚晚飯食順德菜，必然要點呢兩樣順德名物啦。蟲草花天麻燉大魚頭湯（$188）未食正餐前先飲碗魚頭湯，好足料嘅湯渣，魚湯好鮮味，天麻魚頭湯仲好有功效，可以驅寒止頭痛，打工仔壓力大最適合飲返碗。太子成名脆皮咕嚕肉（$98）咕嚕肉好香脆，好少食到咁脆皮嘅咕嚕肉，選用嘅豬肉屬於半肥瘦，夠晒邪惡。瓦罉煎焗啜魚咀（$16/兩）魚嘴煎得金黃香口，薑蔥炒埋一齊好香，好有鑊氣，魚肉嫩滑亦充滿膠質。籠仔梅菜蒸菜遠（$98）菜心同梅菜一齊蒸，效果想像不到咁好，唔會油膩亦有梅菜嘅甜香。