亞州家族 (Closed)

早兩日,同個同事做完野,唸住搭隊巴返屋企,6點九,個肚有D餓,去到車站預備排隊等車,見到有間叫亞州家族(開頭以為係亞洲,點知將檯紙同餐牌真係寫亞州,不是亞洲)的餐廳,乾乾淨淨,8成滿,見到門口好多雜誌宣傳,就入去試下.問店員,有乜快靚正,佢話海南雞飯係招牌菜,因為老闆兼大廚係星加坡名廚,又係五星級酒店做大廚之類,我地兩個80後,就叫兩個雞飯,點知佢話夜晚冇套餐得散叫,雞還雞,飯還飯叫,仲話下午食套餐抵食,咁我地都冇計,貴D都要食飯架,咁就叫左一份雞脾,一份燒雞,兩碗油飯,加多碟馬拉椰菜苗,講真燒雞冇乜特別,都係滑滑地,D皮甜甜地,反而個海南雞脾先好食,夠肉地,冇骨,有雞味,滑,加埋個油飯,很夾,個飯真係唔錯,唔太油,有香味,同一般茶記冇得比.之後我地兩條友一人加多一碗飯,跟住食到最尾埋單,有個大我地少少,笑笑口既人出黎收錢,問我地D食物好唔好食,我地話OK唔錯,佢就好有禮貌同我地講佢就係大廚,好想知道D客人對食物的意見,如有不滿意,佢會了解再檢討,希望每位客人入來食飯之後,下次都可以再來...(下刪數十字),我比佢做生意既誠意打動,所以先今日第一次寫食評,支持下佢,早知食之前影埋相,算