Video
Read full review
2009-02-20
28 views
三點幾，未吃午餐。在食肆林立的這一段通菜街走了一圈，看到最多人光顧的就是這一間，都有成十多廿人。附近的台灣麵、越式河粉、茶餐廳都比不上這裡人多，本來想試的土耳其餐廳裡更一個人都沒有，還燒卡巴的爐都已熄火停止轉動。買馬就話吼冷馬啫，但食飯就要幫襯人多o既。行返來，看看餐牌，有「小食之選」如雞翼，也有「飽肚之選」如飯及意粉，包飲品。例如焗飯，連飲品才24元，十分便宜。帶位的求其指下老遠的桌子就算數（幸好）。見仍有兩個四人卡位，便自已坐埋去，梳化椅闊落又幾舒服。顧其名思其意，穩穩陣陣點了一個咖哩吉列豬扒焗飯，兩個白汁磨菇焗意粉。原來包一款小食，可揀雞肉串燒或餃子。就兩客雞肉串燒一客餃子，餐茶就交帶遲點才落單。小食好快就來。雞肉串燒就不似燒過，但大大件，又淋上醬汁，叫做有心咯。咬了一口，微溫，似用微波爐叮過居多，失望。食落，咦？味道又唔差喎，雖然係交來之貨但肉質腍軟又無雪味，廚房偷懶浪費了食材實在唔應該。煎餃子係日式的薄皮，幾熱，當然也是交來貨，但味道不差。食完小食都無咩期望。我的焗飯先來。一看，反而有驚喜，豬扒係即炸，燶邊明顯焗得夠火。豬扒十分熱，外脆，肉有咬口有肉汁，咖哩味道幾好（同類餐廳
三點幾，未吃午餐。在食肆林立的這一段通菜街走了一圈，看到最多人光顧的就是這一間，都有成十多廿人。附近的台灣麵、越式河粉、茶餐廳都比不上這裡人多，本來想試的土耳其餐廳裡更一個人都沒有，還燒卡巴的爐都已熄火停止轉動。買馬就話吼冷馬啫，但食飯就要幫襯人多o既。行返來，看看餐牌，有「小食之選」如雞翼，也有「飽肚之選」如飯及意粉，包飲品。例如焗飯，連飲品才24元，十分便宜。
帶位的求其指下老遠的桌子就算數（幸好）。見仍有兩個四人卡位，便自已坐埋去，梳化椅闊落又幾舒服。顧其名思其意，穩穩陣陣點了一個咖哩吉列豬扒焗飯，兩個白汁磨菇焗意粉。原來包一款小食，可揀雞肉串燒或餃子。就兩客雞肉串燒一客餃子，餐茶就交帶遲點才落單。
小食好快就來。雞肉串燒就不似燒過，但大大件，又淋上醬汁，叫做有心咯。咬了一口，微溫，似用微波爐叮過居多，失望。食落，咦？味道又唔差喎，雖然係交來之貨但肉質腍軟又無雪味，廚房偷懶浪費了食材實在唔應該。煎餃子係日式的薄皮，幾熱，當然也是交來貨，但味道不差。
食完小食都無咩期望。我的焗飯先來。一看，反而有驚喜，豬扒係即炸，燶邊明顯焗得夠火。豬扒十分熱，外脆，肉有咬口有肉汁，咖哩味道幾好（同類餐廳計），比得上太子的寶太郎以前的水準；飯底竟然是炒底，好吃。結果我淨吃飯，把帶汁的飯給了家人，家人吃的津津有味。也試了家人的意粉，汁沒有試，但意粉不夠澳門的興記彈牙。
香港同澳門唔同，檸檬飲品唔洗加錢（檸底當然例外），我貪心叫了檸蜜，似係菜蜜加檸，味道有點怪。家人點了即磨咖啡及凍華田，沒有試。
凍飲加兩蚊，不收加一。埋單$74。抵食。會再去，但只會叫焗類，因為我是個大焗友。忽然間好懷念以前的農場餐廳。
Post
