京華酒樓 (Closed)

兩公婆食野最好去飯茶，呢次係十二月廿五號去飲茶，下午茶時段竟然唔多駛等位。仲好，好快就有得入去食野喇！我地叫左叉燒酥(我飲茶必食)，蝦餃，鳯爪，韮菜餃。仲叫左一個叉燒燒燒脾飯，甜品叫左湯圓.....細點但有成八粒！好抵食！好重薑味！賣飛佛。叉燒酥我個人鐘意食長形幼身的，佢呢度係半月形，我覺得唔夠入味，外面太DRY, 只有入面中間有料，並未能滲透整個酥。蝦餃好味的，皮滑，蝦爽。鳯爪不過不失啦！韮菜餃唔好味，唔知自己放左乜野入口咁，我諗係調呆0個方面差了點，太淡。叉燒燒鵝脾飯都OK啦！唔係特別好味，講真，好難0係酒樓食到好好味既燒味。總括黎講去呢度歎茶唔會失望，但又唔會喜出望外啦。