外野手 (Closed)

今日肥妹仔特登請我食放題呢!!為左預祝聖誕節, 實在太開心喇!!其實外野手呢間野以前都有食開,不過要老實說句話, 自從出名之後,食物質素, 種類, 服務態度都比以前衰左!!呢個係歐陸海鮮拼盤, 最正係個生蠔!!隻隻都好好肉地, 充滿住海水味...對於以前唔食生蠔既我都俾佢吸引住!!加埋檸檬汁, 同佢個辣辣地既醬, 掂!!個翡翠螺都好勁抽, 隻隻都好大舊!!食兩粒都好滯, 不過真係好鮮味,另外蟹腳D肉就削左少少...D魚生都Keep到水準, 所有都好新鮮!!不過以前上得好快, 一轉駁一轉...但而家真係削左少少, 就算第一輪到黎得好慢!!熟食就一黎就多多, 一人份量都成大碟!!好似想食飽你個胃咁...而且魚生成日漏單, 每次黎都會黎少D野!!一次無帶子, 一次無立魚...同埋之前食既甜蝦係無殼架,但唔知係咪來貨唔同左既問題!!隻隻都要剝, 食得無咁痛快!!至於熟食方面真係差左D!!樣樣都炸得油淋淋, 少少霉...炸野都唔脆, 想點呢??! (除左個雞軟骨OK之外!!)雖然外野手點都係官塘首席日式放題店!!但希望佢都會愈做愈好, 唔好再退步!!咁先留得住一眾食客架!!以前有個汁燒豬軟骨好好