老爺冰室 (Closed)

星期日，懶得去買餸又懶得煮，係常識啦！就係咁樣，就求求其其入間冰室買個外賣飯盒 ，返屋企邊打麻雀邊食啦。當日餐廳嘅午餐，其中一款係，餐肉豬扒飯，咁我就叫咗呢一個。餐肉豬扒飯，好話唔好聽呢一種飯已經係好普通好唔需要特別技巧去煮嘅飯，困難度應該係零，但係都中伏！ 餐肉有兩塊，切得好鬼薄又煎得好乾，真係從未煮過飯嘅小朋友都可以煎得好過佢，豬扒叫做大大塊，但其實係有骨嘅，食得出豬扒係炸出嚟唔係煎，肉質唔係好乾但係就味道好咸，成盒飯只係落咗好少汁，又冇啦啦加條菜咁樣好奇怪，食得餐肉豬扒飯就唔係想食菜啦。 正一頹飯。 而且仲唔平。