Video
Read full review
2010-05-19
8 views
早兩晚收工已經八點幾，經過炮台山想搵野食，係 AIA tower 後面發現有一間細細地既 Burger鋪。鍾意食 Burger 好耐囉，由三個O剛剛係 PP 開，食到D 乜鬼 BurgerRxxm Moxster Burger 開到成行成市，發覺近排好食既 Burger 真係唔多，連三個O都無以前咁好食 ~>_<~見到呢間細細地既 Burger 鋪，希望就唔大喇，諗住無乜失望就算喇，點知又有驚喜 wor入到去個裝修有D似酒吧，黑黑地咁，得小貓三四隻，我心諗：死喇......都無人食既.......不過都坐低左就叫黎食喇睇下個餐牌，有熱狗有 Burger, 今晚想食 burger 就試下 burger 先喇成個餐牌好多款包揀，詳情參考下圖。跟住我就叫左個 double patty 即係雙層漢堡，加左個薯格。咦！仲有啤酒 wor~ 好過飲汽水呀，叫左Stella Artois，佢仲有德國啤，下次再試。我個朋友就叫左個 bacon cheese burger 同 chili cheez fries，佢D炸野仲有好多，薯條都有好多款，仲有薯角！等左二個字到，一個兜裝住個包，但
鍾意食 Burger 好耐囉，由三個O剛剛係 PP 開，食到D 乜鬼 BurgerRxxm Moxster Burger 開到成行成市，發覺近排好食既 Burger 真係唔多，連三個O都無以前咁好食 ~>_<~
見到呢間細細地既 Burger 鋪，希望就唔大喇，諗住無乜失望就算喇，點知又有驚喜 wor
入到去個裝修有D似酒吧，黑黑地咁，得小貓三四隻，我心諗：死喇......都無人食既.......
不過都坐低左就叫黎食喇
睇下個餐牌，有熱狗有 Burger, 今晚想食 burger 就試下 burger 先喇
成個餐牌好多款包揀，詳情參考下圖。
跟住我就叫左個 double patty 即係雙層漢堡，加左個薯格。咦！仲有啤酒 wor~ 好過飲汽水呀，叫左Stella Artois，佢仲有德國啤，下次再試。
我個朋友就叫左個 bacon cheese burger 同 chili cheez fries，佢D炸野仲有好多，薯條都有好多款，仲有薯角！
等左二個字到，一個兜裝住個包，但點解得塊牛肉同包，乜料都無既？
原來呢度要自己出去加 topping ，唔怪得佢個名都叫 "topping" 出到去有幾兜料任加，有生菜，有磨菇，煙肉粒，菠蘿粒 (呢個正呀)之類，好似以前食 pizza hxt 沙律吧咁，幾搞野。
隔離有醬汁任加，鍾意既可以狂落，包回本~~~
番去坐低趁熱食，包好鬆化，料好多(梗係喇，你係人地個topping bar 前面狂落野)，牛肉有肉汁，唔太乾，整體個包有 80分，加埋價錢合理，再加 5分
上面既係我既，下面係朋友既包(好明顯我朋友比我更貪心~~)
薯格炸得好食，夠味又夠脆，一定係即炸既，佢個薯條超大份，抵過New York FXXXXs好多~
啤酒就點都好飲過本地啤既，不過唔知德國o個隻好唔好飲
基本上坐得舒服，burger 同小食都有水準，價錢合理，希望佢快D搞埋有wifi上網咁就好喇~~
Post
