Al Dente (Closed)

黎灣仔睇'小人國'，由於時間太趕，所以揀左就近的西餐廳。這間餐廳對上一次食已經係n年前，記起當年身旁那個胸懷理想，有衝勁有志氣（也有稚氣）的那個男朋友，真係百般感受在心頭。反正黎到灣仔，打算重拾些少回憶。叫左兩個4-courses set dinner, 前菜要了Caesar salad 同埋baked mussels. 兩個前菜都好像退步了；沙律菜不夠新鮮，青口焗得過火，鞋身，算係幾失敗主菜要了西冷扒同雞扒。點菜時意外地沒有問要幾成熟，我係可以接受這安排，廚師可運用自己最拿手的方法，反正效果應會更好。果然，牛扒煎得剛剛好，有肉汁，不會過熟，美味！雞扒嘗了兩口，沒什麼特別。最後來了餐飲及甜品，由於實在太趕時間，隨便點了檸水及檸茶。反而甜品Tiramisu 配雲尼拉雪糕好味，份量大。諗住套餐甜品通常馬虎了事，這個很有驚喜。如果蛋糕能浸滿咖啡的話就完美了。雖然這間餐廳水準不及當年，但抬腳一望，當年那個青澀的小子已變成成熟體貼的暖男老公，真係心存感激。最好的一天，就是今天。每一個今天。