小魚兒 (寶漢大廈) (Closed)

無意中碌手機見到呢間【小魚兒】嘅魚翅撈飯好抵食... 心思思約埋朋友去試下!去到發現原來唔止魚翅撈飯抵食... 仲有好多菜式都好抵食... 好似蒜蓉牛油燒澳洲龍蝦、避風塘澳洲龍蝦... 每款都係$198咋!😍  大大碟... 認真超值!聽講呢度最出名係雞煲同烤魚... 得我同朋友兩個食唯有二選一... 揀咗雞煲!🔹重慶雞煲(半隻)迎合唔同客人嘅需要... 呢度嘅雞煲可以自選麻辣度... 啲雞煮到好入味... 而且keep到啲皮同肉都好嫩滑!🔹蒜香牛油燒扇貝(2隻）勁多蒜... 勁香... 呢類嘅燒扇貝出面單點都要幾十蚊1隻... 呢度就38蚊2隻... 超級抵食!🔹燒雞軟骨串鍾意食四川風味嘅串燒就唔好錯過啦... 有孜然味、麻辣味、香辣味... 再細分大、中、小辣! 非常香口!🔹金湯花膠雞絲翅撈飯又有花膠、又有雞絲、又有魚翅... 用料十足...跟埋個飯都只係68蚊! 石窩上... Keep住熱辣辣... 真係食過返尋味!🔹避風塘澳洲龍蝦非常有鑊氣... 火喉十足... 炸出嚟嘅龍蝦又香又惹味... d炸金蒜用嚟撈埋飯一流呀!整體上... 感覺環境好寬敞、乾淨... 食物質素唔錯...