KOK KOK

Open Now

Now Closed

專登搭車入來試下，好彩嚟到啱啱有位，入座後好快見到要排隊，條隊到我搭車離開嗰頭嘅時候仲有。首先未食已覺得環境己有feel，老闆係泰國人，舖頭細細，窗外有陽光望出去都係小舖，沒有高樓大廈，會有錯覺去咗泰國。我哋兩個人叫咗兩個午市套餐，$58包嘢飲，冇+1, 呢個價錢已很吸引，當然location location location的原固， 我都會預期比係市區食應該較平。點左肉碎飯同pad thai, 賣相好有風味，份量都好夠飽，味道都不錯！pad thai 係配蝦， 但蝦都係用果d透明好爽又冇味的蝦，有d失望。雖然係平，咁如果用唔到實肉蝦，都加多個雞肉option 丫。 朋友個碎肉飯正常， 基本上唔辣。最後加左$20要蝦餅，好食，但比想像細。 如果係屋企附近我應該會成日幫襯，但要專登搭車或揸車來，我就未必會成日來。價錢同風味係最大賣點，反而食物味道我覺得係正常，未至於超好食。提一提，唔知係咪我咁岩坐冷氣風口位，啲食物一上來好快就吹到凍，食到食到一半d pad thai 開始硬硬地😂。