紅館 (海堤街)

Open Now

Now Closed

朋友之前搵到一間川菜館唔錯，今次同我黎試下，位置係喺鰂魚涌內街嘅小店，座位唔算多，勝在唔會人逼人比較好坐。餐牌除左有川菜外，仲有多款小炒。餐廳主打菜色係原煲煲仔菜及麻辣，我地當然要試下啦。招牌酸菜魚（滑魚片）$188平時酸菜魚就食得多喇，多數都係用大啲嘅瓷器裝住嘅，呢間餐廳用左原煲瓦煲仔上，有特色得黎仲可以保溫👍🏻啲魚片好嫩滑無骨刺，食得好放心，大豆芽同酸菜及魚肉份量都算多四川椒麻雞（半隻）$98我地兩個女仔點左半隻雞已經好夠食，雞肉面鋪滿晒香蔥油薑茸花椒非常惹味，食落有啲麻麻辣辣嘅味道，雞肉好嫩口，配埋飯一流🤤小菜當然要配冰凍啤酒啦，依家晚市啤酒仲買一送一非常抵呀