彩福欣宴 (Closed)

今日老死生日，就約埋成班朋友黎到彩福呢間佐敦分店食龍蝦慶下佢生日，88蚊斤既龍蝦我真係食極都唔會厭，佢地仲要唔會hea你隻隻都足料又整得好食。今次我地整左佢個上湯既整法，效果都唔錯不過個人都係最中意芝士，芝士焗龍蝦再加佢個伊麵底，真係完美既組合黎，不過上湯其實都高質，只係同芝士比就會比下去咁解！除左個龍蝦之外，我地仲嗌左個炒通菜，平時炒通菜最驚佢就係落好多油，佢地係控制油量方面算係一流，食落唔會成口油。最後仲叫左隻炸子雞，皮脆多肉汁，下次黎到一定一定會再叫左隻黎食！