富華冰室 (碧街)

Open Now

Now Closed

今日我輸咗！今日要去油麻地，喺地鐵站一出就見到有得賣菠蘿包，於是乎做完嘢就專登返轉頭買啦。買完之後見到得個紙袋，又諗起今日有紅雨又有黃雨，於是乎就問阿姐「落大雨，可唔可以畀個膠袋裝住？」阿姐話要收一蚊喎🙄我心諗：個菠蘿包要$10 ，竟然要用一蚊買個膠袋？！於是乎我就唔想買啦，阿姐再話：要膠袋要畀一蚊呀。跟住我一邊擔住把遮一邊就走啦。鬼知要保護呢個紙袋裝住嘅菠蘿包，我半個身濕咗，我隻手又攞住遮又攞住個紙袋，隻手攞到痹咗。返到屋企攞個菠蘿包出嚟食啦，鬼知見到個袋濕咗，個菠蘿包淋咗，個心嬲咗，條氣chok住左，個肚餓咗。今次我輸咗！