鳳城酒家 (Moved) New Location

四個女仔大家一方面喊減肥，把口就不停食食食，又或者剛剛打完波太肚餓關係，連前菜酸蘿蔔青瓜都覺得特別好食，一碟唔夠喉，問侍應姐姐可否俾多碟唔收錢，佢好爽快應承，佢咁好人，而其他伙計服務唔錯，係服務方面我俾5份啦!雞絲海蜇-海蜇好大條好厚身，但仍然好爽口，仲有少少辣椒吊味，雞肉好嫩滑，可惜連埋皮，所以比較肥。生炒骨-似咕嚕肉多D，買相似為麻麻，一食落口又熱又脆，肉質又好，甜酸度恰都好處，除了有青椒菠蘿外，還有酸青瓜作配料，是我近期覺得較好水準的生炒骨，而且大家一致讚好，之後還再叫多碟tim。桂魚卷-魚肉包住金華火腿，雖然魚肉唔霉，但缺少魚味，我只可以話幾特別，反而欣賞伴碟的西蘭花。生菜包鵪鶉肉(唔記得個全名)-可能鵪鶉肉太碎關係，我食不出什麼味道。蟹肉扒芥蘭-雖然有唔少蟹肉，但味道略淡些，而芥蘭亦嫩又爽口，不過太粗身，較難入口。奉送飯後甜品係合桃露，食得出係自家磨制的，有合桃渣，但又不失香滑，唔會太甜又不會太糊狀，好有驚喜，超出一般糖水舖水準。大家都食飽晒好滿足後，埋單要$550 唔算平。