Video
Read full review
2023-10-01
1064 views
前言我一直想寫多篇食評俾九江街農場，事關我之前寫既一篇農場食評竟然寫錯左係佢既分店到。正文臨近中秋，陳老闆日日都係社交平台出優惠，見到咁抵玩，作為CP值之鬼緊係要去試下。所以今日出開太子拎大班冰皮同買奇趣既出爐月餅，就順便去農場開餐。可能因為有優惠，今日都幾滿下，得個吧枱可以坐。坐低後我就靜雞雞走過去用優惠落單，跟手加多個是日小食。小食先埋枱既係照燒秋刀魚拼咖哩三文魚頭。一如以往，10蚊大大份小食。秋刀魚解凍得好，味濃唔梅有咬口，食到果陣魚油香同鐵味，但照燒汁太多，唔撥走啲汁比較難入口。而三文魚頭因為本身有先炸過，唔腥易入口，不過個咖喱味較人工，冇香料味。短評： 小食汁還汁魚還魚，層次欠奉。不過作為主角既魚正常發揮，以10蚊既價錢，已經係超滿分水準。主菜老闆見我差唔多食完小食，就開始煎塊牛。到我食完小食果陣就，塊3成熟12安士既美國西冷就上枱。西冷正常係較韌，不過呢塊美國西冷牛味濃郁、肉汁豐富，黑椒味點綴下，要人𡁻多幾下都無妨。伴碟既蕃茄同羽衣甘藍亦都鮮甜可口。仲跟埋意粉包你食飽。短評：牛扒樸實無華，大概係 donki $60/250g 既水準，不過同小食一樣，就係層次欠奉。假如牛脂起
我一直想寫多篇食評俾九江街農場，事關我之前寫既一篇農場食評竟然寫錯左係佢既分店到。
正文
臨近中秋，陳老闆日日都係社交平台出優惠，見到咁抵玩，作為CP值之鬼緊係要去試下。所以今日出開太子拎大班冰皮同買奇趣既出爐月餅，就順便去農場開餐。可能因為有優惠，今日都幾滿下，得個吧枱可以坐。坐低後我就靜雞雞走過去用優惠落單，跟手加多個是日小食。小食
先埋枱既係照燒秋刀魚拼咖哩三文魚頭。一如以往，10蚊大大份小食。秋刀魚解凍得好，味濃唔梅有咬口，食到果陣魚油香同鐵味，但照燒汁太多，唔撥走啲汁比較難入口。而三文魚頭因為本身有先炸過，唔腥易入口，不過個咖喱味較人工，冇香料味。
小食
125 views
1 likes
0 comments
主菜
老闆見我差唔多食完小食，就開始煎塊牛。到我食完小食果陣就，塊3成熟12安士既美國西冷就上枱。西冷正常係較韌，不過呢塊美國西冷牛味濃郁、肉汁豐富，黑椒味點綴下，要人𡁻多幾下都無妨。伴碟既蕃茄同羽衣甘藍亦都鮮甜可口。仲跟埋意粉包你食飽。
牛扒
105 views
0 likes
0 comments
最例牌送上既鳳凰卷。一般，略。
鳳凰卷
109 views
0 likes
0 comments
因為已多次惠顧，老闆再計平我5蚊。埋單87，平到我都唔好意思。唯有祝佢中秋快樂、生意興隆啦！
評分
牛扒 $82
cp值 - 5/5
味道 - 4/5 （比較範圍：$100-$200）
Overall - 4.5
小食 $10
cp值 - 5/5
味道 - 3/5 （比較範圍：$50-$100）
Overall - 4
Post
