滿屋日本料理 (Closed)

大家開始會出黎聚會同食香港人最鍾意既日式放題喇～～呢間好多人去，連我外國老闆都試過話價廉物美喎😆是晚三人行，19:00 去到已經接近滿座。 叫菜係用點心紙形式，好多選擇，有刺生、壽司、芝士壽司、手卷、卷物、軍艦、炸物、天婦羅、煮物，蒸物、一品料理、串燒，等等。 另外大廳有海鮮、沙律、甜品、蛋撻、飲品種類很多，還可以揀清酒🍶，有冷熱提供。仲有三大牌子杯裝雪糕🍦😋⋯⋯食物種類多到數唔晒。如果要推介刺生，都有差唔多10款揀，同埋壽司都算新鮮，而且放得好精美。可以試下御品鮑汁燴花膠、好多花膠，而且煮得好入味。仲有貓山榴槤炸彈，外面好脆，入面榴槤味十分香濃又甜，好啱喜歡榴槤嘅人。同埋有大量不同味道嘅甜品供應，全晚食到個肚脹卜卜，個心好滿足😋