牛舞日本燒肉‧涮涮鍋放題 (1亞太中心) (Closed)

燒吞拿魚沙律💚沙律好大份，好新鮮，吞拿魚好大件好厚肉，鮮嫩既吞拿魚好鮮味，肥美可口，沙律菜都係好新鮮，落少少柚子醋就已經好fresh，食燒肉前食就岩晒啦！甲羅燒🧡呢個真係不得了了，蟹蓋入面好多蟹膏同蟹肉，蟹膏好綿好密，蟹肉一梳梳好正，再加埋啲生雞蛋黎食，好creamy好味！牛舞拼盤❤️一個有幾款薩摩和牛既拼盤，每款都好出色，和牛肋條就更出色，牛肋條口感好好，好有咬口，煙煙韌韌，筋位比牛肋肉更多，亦好夠油香，肉質超好，送既呢個拼盤真係好掂！牛肉sssss級🤎呢度既燒汁封門柳，澳洲牛腹肉，牛肋肉，唔同既牛質素都好好，牛味又濃，每款肉質都唔同，有啲有質感，有啲就肥美，燒完真係超好食！