Video
Read full review
2019-07-03
54 views
見好多人讚呢間新開嘅點心舖，是日就同屋企人黎試下，一家三口三點幾黎到，呢個鍾數唔多人，黎到就有位。茶位$4一位，開左壺香片，茶包茶都幾香。籠仔馬碲章魚肉餅飯（$37）先來個蒸飯，大大籠熱辣辣，肉餅軟滑，多馬碲又多章魚，加埋甜豉油好好送飯。飯粒粒分明，香軟吸了荷葉香，正。鐵板叉燒包（$25）鐵板上，有洋蔥顫底好香啊。叉燒包煎得香口，但口感仲係軟綿綿㗎，入面嘅叉燒餡甜甜地幾正，個汁好有舊陣時嘅味，加上叉燒唔過肥，好啱我口味。翡翠墨魚滑燒賣（$30）試下新派點心先，青色燒賣夠特別，中間係墨魚滑，有包住蝦同冬菇等材料，鮮味彈牙，加少少辣椒油無得頂呀！別有洞天脆皮腸（$35）另一款新野，真係好脆呀，腸粉皮下面包住雙層脆皮，一層係綠色嘅口感有啲似芋角嘅皮，另一層似係響鈴嘅皮，中間係原隻蝦肉，又爽又脆好好味。懷舊糯米雞（$26）意外地大隻，真係糯米雞唔係珍珠雞，哈哈。糯米入面包住冬菇，叉燒，雞件同鵪鶉蛋，有啲紅色嘅叉燒醬汁，軟綿綿嘅口感，味道都唔錯喎，一隻勁飽肚。薑汁千層糕（$17）呢個一定要食！太正了！煙煙韌韌勁薑味，微甜，比起一般酒樓好味一萬倍！利賓納蘆薈水晶果凍（$18）最後仲有啫喱，哈哈，小
茶位$4一位，開左壺香片，茶包茶都幾香。
籠仔馬碲章魚肉餅飯（$37）先來個蒸飯，大大籠熱辣辣，肉餅軟滑，多馬碲又多章魚，加埋甜豉油好好送飯。
飯粒粒分明，香軟吸了荷葉香，正。
鐵板叉燒包（$25）鐵板上，有洋蔥顫底好香啊。
叉燒包煎得香口，但口感仲係軟綿綿㗎，入面嘅叉燒餡甜甜地幾正，個汁好有舊陣時嘅味，加上叉燒唔過肥，好啱我口味。
翡翠墨魚滑燒賣（$30）試下新派點心先，青色燒賣夠特別，中間係墨魚滑，有包住蝦同冬菇等材料，鮮味彈牙，加少少辣椒油無得頂呀！
別有洞天脆皮腸（$35）另一款新野，真係好脆呀，腸粉皮下面包住雙層脆皮，一層係綠色嘅口感有啲似芋角嘅皮，另一層似係響鈴嘅皮，中間係原隻蝦肉，又爽又脆好好味。
懷舊糯米雞（$26）意外地大隻，真係糯米雞唔係珍珠雞，哈哈。
糯米入面包住冬菇，叉燒，雞件同鵪鶉蛋，有啲紅色嘅叉燒醬汁，軟綿綿嘅口感，味道都唔錯喎，一隻勁飽肚。
薑汁千層糕（$17）呢個一定要食！太正了！煙煙韌韌勁薑味，微甜，比起一般酒樓好味一萬倍！
利賓納蘆薈水晶果凍（$18）最後仲有啫喱，哈哈，小朋友鐘意吖嘛，賣相都幾靚，利賓納味啫喱，入面有蘆薈粒，好甜，啱晒小朋友。
三個人食左二百蚊，點心舖不用加一，幾抵食吖。
Post
