Sodam Chicken (Closed)

係openrice 見到啲食評唔錯就book位試吓，有75折。去到見到menu 75折係單叫，大約$200 一碟十件，而放題要正價$128一位。兩個人放題好似抵啲，又可以試多啲唔同味。一坐低叫左每款1-2件炸雞，大約10分鐘後上菜。店員服務良好，會介紹每款雞係咩味。上碟好細心咁將每隻味分開，望落好吸引，味道款式多。食完覺得柚子味最好食、柚子既清新可以減少炸雞既油膩。咸蛋有少少柞，比較「鞋」口。今日既期間限定有大板燒味同咖哩味。我自己就比較推介大板燒味。而炸雞食落冇咩肉汁，炸皮及炸粉多，超級熱氣。食完第二件，口既上顎已經損左。每款既雞都係一樣味，只係外層加上唔同味既粉/醬，比較單調。食到一半覺得太油膩，於是每人加$20試埋啲焗雞同小食。食完油膩既炸雞，食到沙律感覺清新。醃海蜇有驚喜，爽口得黎開胃。紫菜薯條比較林，不過尚可接受。飲品買一送一，叫左蜜桃特飲及提子特飲。大大杯，味道一般，加一條appolo 既雪條增色不少。整體黎講，服務良好，食物麻麻地，價錢方面唔算抵食。