Video
Read full review
2023-07-05
236 views
港島人滿心歡喜過黎食沙嗲牛，點知食到一肚氣😩係OpenRice 搵到依間好似唔錯既沙嗲牛，勁期待咁十一點一開門就到，排隊入去試。我地一行五個人，一入到去個呀姐就話”5個人無位坐播”。我心諗，姐係點？係米叫我地走唔好食啦？一場嚟到諗住逼啲都照坐，兩個大人加一個小朋友坐一行啦，呀姐都話okay！咁就坐定定睇餐牌，點知坐唔夠五分鐘，另外一個阿姐就話我哋做咩阻住哂，其實我唔會知道邊個位會阻住你哋上餐，我又唔係喺度做！而且我坐之前係有問過你哋咖嘛，真係神又係你鬼又係你。未去到點餐，已經成肚氣😡望到張紙就更一頭霧水，又唔知點填好，咪逐隻字寫落點餐紙度。我都舉下例子: 沙嗲牛肉湯麵黑椒牛脷撈麵沙嗲牛肉撈麵點飲品嘅選項得汽水/維他檸檬茶我自己就寫:可樂 x 2維他檸檬茶 x1寫好就俾張紙俾阿姐啦，佢一接上手睇都未睇，就話我咁寫有問題，阻住佢做生意。下？okay ! 我體諒你唔識字。咁我就唯有喺上面就咁✅希望佢會明。今次佢拎起張紙，又問我你咁識即係叫咩？咁即係你叫咗咩？？我地逐隻字寫又話唔識睇，我✅你又話唔識睇，其實我都好難做喎，不如真係修訂下張點餐紙啦🙄依餐飯真係未食已經飽哂。最後等咗20分鐘，我好期
我地一行五個人，一入到去個呀姐就話”5個人無位坐播”。我心諗，姐係點？係米叫我地走唔好食啦？一場嚟到諗住逼啲都照坐，兩個大人加一個小朋友坐一行啦，呀姐都話okay！咁就坐定定睇餐牌，點知坐唔夠五分鐘，另外一個阿姐就話我哋做咩阻住哂，其實我唔會知道邊個位會阻住你哋上餐，我又唔係喺度做！而且我坐之前係有問過你哋咖嘛，真係神又係你鬼又係你。
未去到點餐，已經成肚氣😡
望到張紙就更一頭霧水，又唔知點填好，咪逐隻字寫落點餐紙度。
我都舉下例子:
沙嗲牛肉湯麵
黑椒牛脷撈麵
沙嗲牛肉撈麵
點飲品嘅選項得汽水/維他檸檬茶
我自己就寫:
可樂 x 2
維他檸檬茶 x1
寫好就俾張紙俾阿姐啦，佢一接上手睇都未睇，
就話我咁寫有問題，阻住佢做生意。
下？okay ! 我體諒你唔識字。
咁我就唯有喺上面就咁✅
希望佢會明。
今次佢拎起張紙，又問我你咁識即係叫咩？
咁即係你叫咗咩？？
我地逐隻字寫又話唔識睇，我✅你又話唔識睇，其實我都好難做喎，不如真係修訂下張點餐紙啦🙄
依餐飯真係未食已經飽哂。
最後等咗20分鐘，我好期待嘅沙嗲牛肉麵終於到喇。嘩😳沙嗲係完全冇花生碎，或者花生嘅味道，我估買李x記沙嗲醬都好食過佢，個麵都預左唔會係出前一丁，只係冇諗過個公仔麵，仲係成餅嘢咁就出比客，牛肉同牛舌，其實只係純粹放落個湯度煮熟，冇經過任何加工調味亦冇特別煎過。
滿心期待嘅一餐沙嗲牛肉，又唔好食，又要食到成肚氣，真係行去全x小店食仲好，茶餐廳啲職員都好禮貌過佢。如果大家係想俾人冇禮貌對待，記住要去依間餐廳試下😂
Post
