新南苑私房菜火鍋鷄煲 (華僑商業中心) (Moved) New Location

之前和公司同事在這間位於旺角的新南苑火鍋私房菜食過，這裏的雞煲和火鍋食物質素不錯，所以今日帶屋企人來品嚐一下。入到店舖，店員為我們介紹有三種套餐，爸媽想食海鮮及牛肉所以選擇了一款每人$218套餐（免加一）首先上了一個雞煲可以選擇辣到，唔夠食還可以添加，雞肉入味多汁，肉質鮮嫩無比，好惹味。食完雞煲之後上了一個湯底，花膠蟲草花椰青湯底，原個椰青令湯底非常鮮甜提升食物味道，花膠份量亦不少，爽口新鮮。海鮮拼盤有龍蝦、蟶子、生蠔、鯇魚、大蜆和鮮蝦多款海鮮，樣樣新鮮。龍蝦有手掌般大隻，啖啖肉又爽口，脆鯇片厚肉，魚片又爽口又嫩滑，蟶子皇無沙，吸了湯汁連調味料也不用都已經好好食。牛頸脊上枱巳見粉嫩紅色，脂肪分佈均勻，淥幾秒就可以食得，食起來有濃濃牛肉味。小籠包皮薄放入湯底滾一滾，脹卜卜，咬開多汁，餡料夠多。其餘還有20多款火鍋配料選擇及飲品任飲。