書湘門第 (奧海城一期)

Open Now

Now Closed

入到奧海城，啲食店同一般商場嘅連鎖店差不多，不過行到奧海城一期呢間店就吸引左我同太太嘅眼晴，充滿書卷味嘅｢書湘門第｣。湘菜我地都好少試，以辣嘢為主，有啲似四川菜，有水煮魚個啲食。咁我地都唔係好食得太辣嘅關係，就叫左鐵板孜然牛肉同糯米蒸排骨食。上菜啦，一黎就有咋咋聲嘅孜然牛肉，香味撲鼻，用左洋蔥同辣椒爆香嘅牛可以送幾碗飯，牛肉有鐵板香味同相當之嫩口，好好味！之後就黎一個糯米蒸排骨，用糯米飯包住排骨黎蒸，賣相都幾特別，食落其實同平時食鳳爪排骨飯差不多。下次要搵多啲朋友試埋其他特色菜！