阿肥火鍋 (Closed)

呢度環境裝修到好似係街市食嘢咁（I mean 好靚嘅街市），好有市井味！好港式！好適合帶外國嘅朋友嚟試下。不過今次就係同啲港女嚟食，食嘢前先影相打卡先，個個當間餐廳作為佈景板，（當然亦都包括我……），影咗幾十張……講返啲嘢食先，湯底揀咗金腿大蜆走地雞冬瓜盅：一上枱嚇一跳，真係好足料，齋係食湯底都夠飽啦！味道好鮮甜，湯底有冬瓜，火腿，雞和大蜆，想唔鮮甜都難啦。小食叫咗兩款：沙薑雞腳同脆皮BB鴿，味道都唔錯。阿肥牛皇拼盤，肥牛同牛柏葉真係幾正，一個嫩滑，一個爽脆！仲叫咗三款滑類：蝦滑，墨魚滑，牛肉滑。我就最中意食蝦滑啦，口感爽彈！食完返屋企一稱真係肥咗兩斤……不過可能係個磅壞咗姐……（唔想接受現實）