緣聚西日餐廳 (西裕街) (Closed)

今日囡囡生日，我哋選擇咗食放題但係老公又想食生蠔，經朋友介紹下就去咗緣聚西日餐廳，又可以食放題又有生蠔食，所以就打去book位。鋪頭位於大街後面，一到門口好似一間西餐廳，完全唔似一間日式放題。入到店內裝修簡約特別，燈光昏暗環境都幾舒服。未到七點已經差唔多滿坐，好彩一早已經訂左位✌️食物方便有好多種類，有些是季節限定比較特別。特別推介榴槤炸彈同埋芝麻雞翼，炸得脆卜卜，好香口，必食👍👍👍刺身船一遞過來即時嘩一聲，種類好多好豐富，擺盤好有心機，三文魚，八爪魚，螺片，帶子，都好新鮮，鮮甜。生蠔一啲都唔腥，鮮甜肥美。蟹腳好多肉，好好味🤤🤤🤤雞翼尖有少少辣辣地，好淋好入味。蒜香牛柳粒熱辣辣好惹味，入口軟綿綿。又一必食推介芝士蝦，芝士燒得好香好濃，蝦肉爽口入味😋😋😋食到舔舔脷。