試吓啦

Open Now

Now Closed

好耐無寫食評，通常因為差而寫 但今次忍唔住要讚一讚。利申：我唔係打手。今晚叫咗熊貓，見到間價錢唔貴嘅西餐所以叫，無唸過係好味。我叫了豬鞍，封門柳同埋一個輕量一人餐。唯一可以話唔好，係個輕量餐份量太細，所以唔好，但老實，人哋叫輕量，硬細，只係太好食所以我哋覺得唔夠。豬鞍份量不細，配上燒菠蘿同配菜，豬鞍咸味剛好，能帶出豬的肉味，近骨有少少粉紅，剛剛熟所以更好食，竟然還配上蘋果蓉，美味。封門柳份量有4塊，總份量跟豬鞍差不多，我叫七成，到咗真係七成， 牛肉腍而有牛肉味，配上薯蓉，焗完整蒜頭 及配菜，好味。輕量餐 係卡邦尼+前菜+甜薯條+香草飽同嘢飲，卡邦尼creamy ，奶油味度和意粉軟硬剛好，甜薯條隔咁耐仲脆，前菜有誠意及帶驚喜。