Video
Read full review
2020-11-18
148 views
<< Thursday Couple 為食記👣😋>>嚟到星期四，今日嚟到堅尼地城！因為啱啱拍完野男朋友嚟咗接放工🥰講咗好耐話想食台灣菜，但係都比上海菜耽誤咗😂😂所以今日就想試吓好多朋友介紹嘅阿元來了！食返一餐地道嘅台灣菜！真係好想試吓佢個滷肉飯啊🥳因為港島區真係唔太熟路，所以我哋都搵咗一段時間。開頭去咗嗰個叫做阿元菜市場，但係見佢買嘅嘢係嗰啲滷味，同埋小食之類，就知道嚟錯咗！然後就問人行咗一陣，先去咗啱嗰間啊元來了！餐廳入面嘅環境比較逼，因為都真係好多人嚟！但係個裝修都幾靚啲，設備都幾有台灣嘅味道，最主要係佢有啲攤位，好似台灣夜市咁樣！然後仲有啲木枱木凳覺得幾舒服！🤘🏻之後就嗌嘢食啦! 當然唔少得嘅就係滷肉飯啦!我哋嗌左一人一個滷肉飯，男朋友就叫咗個阿元滷肉飯，我就叫普通的，分別就應該係一個大啲一個細啲。然後呢就再叫咗台灣香腸，因為一直都好鍾意食，比較甜少少。跟住就叫咗個芝士肉鬆蛋餅，因為成日見到啲台灣節目食蛋餅，都好似好好味咁🤣🤣🤪引死人。仲有叫多咗個炸魷魚鬚，本身諗住叫炸雞，但係好似炸魷魚鬚比較少見啲，就想試吓啦。然後講到台灣野一定唔少得，要杯手搖飲
嚟到星期四，今日嚟到堅尼地城！因為啱啱拍完野男朋友嚟咗接放工🥰講咗好耐話想食台灣菜，但係都比上海菜耽誤咗😂😂所以今日就想試吓好多朋友介紹嘅阿元來了！食返一餐地道嘅台灣菜！真係好想試吓佢個滷肉飯啊🥳
因為港島區真係唔太熟路，所以我哋都搵咗一段時間。開頭去咗嗰個叫做阿元菜市場，但係見佢買嘅嘢係嗰啲滷味，同埋小食之類，就知道嚟錯咗！然後就問人行咗一陣，先去咗啱嗰間啊元來了！
餐廳入面嘅環境比較逼，因為都真係好多人嚟！但係個裝修都幾靚啲，設備都幾有台灣嘅味道，最主要係佢有啲攤位，好似台灣夜市咁樣！然後仲有啲木枱木凳覺得幾舒服！🤘🏻
之後就嗌嘢食啦! 當然唔少得嘅就係滷肉飯啦!我哋嗌左一人一個滷肉飯，男朋友就叫咗個阿元滷肉飯，我就叫普通的，分別就應該係一個大啲一個細啲。然後呢就再叫咗台灣香腸，因為一直都好鍾意食，比較甜少少。跟住就叫咗個芝士肉鬆蛋餅，因為成日見到啲台灣節目食蛋餅，都好似好好味咁🤣🤣🤪引死人。仲有叫多咗個炸魷魚鬚，本身諗住叫炸雞，但係好似炸魷魚鬚比較少見啲，就想試吓啦。然後講到台灣野一定唔少得，要杯手搖飲品，我哋叫咗杯清涼嘅水果茶share飲☺️
嚟咗兩碗滷肉飯，佢係偏向鹹味少少嘅，因為自己鍾意食甜味少少！所以個人黎講冇咁中意，不過佢個五香粉都好香！所以我都食晒成碗。之後你嘅台灣香腸，佢切好一嚿嚿都可以方便擺入口，口味就冇乜驚喜，好似平時嘅台灣香腸咁。而芝士肉鬆蛋餅整體幾好味，但係我覺得個醬汁冇乜特別。
講到最驚喜嘅竟然係最後嗌嘅炸魷魚鬚，因為佢炸得好脆，而且魷魚又唔會太韌，好香，係食到停唔到口個隻！最後加埋杯水果茶酸酸甜甜真係一流！而且好足料，見到好多水果嘅肉喺入邊！解油膩🥰😋🤘🏻
最後我哋都係嗌左凍嘅芋圓做結尾！個人好鍾意芋圓，佢都真係整得好好味，好彈牙。而且入面嘅甜味啱啱好 ，細細碗，成為咗呢餐晚餐嘅一個完美嘅總結❤️
Post