Video
Read full review
2021-12-01
202 views
今日假期做乖乖女，陪媽咪喺元朗行街，佢話想食點心，咁啱經過呢間點心舖，喺OpenRice 見都有幾多😋，所以就入去試吓～兩個人叫咗五款點心，”籠仔鳳爪排骨飯”、”原隻蝦燒賣”、”小鮮肉小籠包”、“XO醬菜苗餃”同”班蘭馬拉糕”籠仔鳳爪排骨飯 ♨️排骨飯即叫即蒸，落單時仲可以要求飯嘅軟硬度，媽咪對‘街外飯’好有要求，結果蒸出嚟冇令佢失望，除咗有荷葉香，D餸嘅鹹味亦適中，排骨滑得嚟唔覺肥，鳳爪都好入味～原隻蝦燒賣 🦐🐷每粒燒賣面都有原隻蝦喺上面，蝦爽口，豬肉彈牙，仲有好香嘅冬菇味🍄小鮮肉小籠包 🐷🥟 我係小籠包嘅擁躉，覺得小籠包要皮薄、多湯，肉鮮味之餘份量要剛好，升哥嘅小籠包攞到7.5分！(算唔錯㗎喇～）呢度嘅小籠包頂仲要加咗D蟹籽，食落去多咗幾分口感XO醬菜苗餃 🥬🥟 媽咪一咬隻餃，就話好鍾意佢個皮，薄得黎又煙韌，XO醬味濃郁，餡料除咗菜苗之外，仲有蝦肉。包到好似一粒元寶仔咁，賣相唔錯，睇得又食得！班蘭馬拉糕 💚🥧第一次見班蘭馬拉糕，所以叫嚟試吓，呢個馬拉糕質地做到好軟綿綿，有色水之餘都真係有班蘭味嘅，不過我都係比較鍾意傳統馬拉糕嘅味多啲～呢間點心舖食嘅係味道，不能對佢嘅環境有太高要求，雖
兩個人叫咗五款點心，”籠仔鳳爪排骨飯”、”原隻蝦燒賣”、”小鮮肉小籠包”、“XO醬菜苗餃”同”班蘭馬拉糕”
籠仔鳳爪排骨飯 ♨️
排骨飯即叫即蒸，落單時仲可以要求飯嘅軟硬度，媽咪對‘街外飯’好有要求，結果蒸出嚟冇令佢失望，除咗有荷葉香，D餸嘅鹹味亦適中，排骨滑得嚟唔覺肥，鳳爪都好入味～
原隻蝦燒賣 🦐🐷
每粒燒賣面都有原隻蝦喺上面，蝦爽口，豬肉彈牙，仲有好香嘅冬菇味🍄
小鮮肉小籠包 🐷🥟
我係小籠包嘅擁躉，覺得小籠包要皮薄、多湯，肉鮮味之餘份量要剛好，升哥嘅小籠包攞到7.5分！(算唔錯㗎喇～）呢度嘅小籠包頂仲要加咗D蟹籽，食落去多咗幾分口感
XO醬菜苗餃 🥬🥟
媽咪一咬隻餃，就話好鍾意佢個皮，薄得黎又煙韌，XO醬味濃郁，餡料除咗菜苗之外，仲有蝦肉。包到好似一粒元寶仔咁，賣相唔錯，睇得又食得！
班蘭馬拉糕 💚🥧
第一次見班蘭馬拉糕，所以叫嚟試吓，呢個馬拉糕質地做到好軟綿綿，有色水之餘都真係有班蘭味嘅，不過我都係比較鍾意傳統馬拉糕嘅味多啲～
呢間點心舖食嘅係味道，不能對佢嘅環境有太高要求，雖然只係第一次光顧，不過好feel到小店嘅人情味，最重要嘅係媽咪都滿意，佢仲話下次可以再嚟試其他點心添 😌
籠仔鳳爪排骨飯
7 views
0 likes
0 comments
原隻蝦燒賣
3 views
0 likes
0 comments
小鮮肉小籠包
3 views
0 likes
0 comments
XO醬菜苗餃
11 views
0 likes
0 comments
斑斕馬拉糕
30 views
0 likes
0 comments
Post
