八十八居酒屋

Open Now

Now Closed

舊同事係一個日本控，疫情期間佢已經幾個月冇得去日本，未來幾個月亦都可能去唔成，佢就想搵間居酒屋安撫一下佢想念日本嘅哀怨情緒😆，咁佢又好掛住我，就叫埋我一齊去😁。呢間日式居酒屋，環境帶點日式風情，彷如置身於日本咁！我哋點咗：角切魚生沙律、 蔥吞拿魚腩黃金蛋配紫菜、炸雞+豆腐、鹿兒島縣牛牛蘿蔔、燒一口🐷、 燒牛舌、燒鱈魚乾(送)。飲啤酒🍻～串燒質數高，燒一口豬肉質鮮甜，同時帶點油香；厚切牛舌真係堅好味😋！魚生及炸雞則普普通通，不過不失。成晚我哋兩個最欣賞就係呢個鹿兒島縣牛牛蘿蔔，蘿蔔和牛肉吃起來甘甜入味，肉質軟嫩，蘿蔔完全沒有根及苦味。我哋兩個人食得好開心，全程卡卡聲咁笑😁，連埋啤酒，每人要$350 ，雖然貴咗少少，但係我哋過咗一個非常愉快嘅晚上，亦幫閨蜜暫時緩和對日本相思之苦😃。