蠔酒吧

Open Now

Now Closed

今年生日，朋友請我去蠔酒吧食生日飯，餐廳環境一流，對住維港夜景。我地張枱喺窗邊，可以睇埋幻彩詠香江。侍應起初服務周到，送上免費香檳，又介紹餐牌。到點菜時，等左好耐都搵唔到侍應落單。落完單，等左25分鐘先上個seafood platter。Seafood platter我地叫Queen size, 有半隻龍蝦、8隻生蠔、蝦、海膽、三文魚子同蜆。生蠔有美國蠔同法國蠔，侍應都有介紹，我地叫佢俾d蠔嘅名我地，佢就俾左張好長嘅單，所有蠔嘅名一清二楚。食完seafood platter，要叫侍應收盤先有人黎收。等左陣先上熟食。我地叫左鴨肉拼盤、羊架同帶子意粉。鴨肉份量偏少，但煎鴨肝幾好食。羊架夠大件，切三份，每份都唔細，仲可以揀三款醬料，羊肉七成熟，肉質嫩滑。帶子意粉有三粒大帶子，夠彈牙，意粉都好食。到我地想叫甜品，等左好耐先有侍應出現幫我地落單。個梳乎厘要等廿五分鐘先有得食，係幾好食，但唔係太大個。影生日相時，侍應幫我地影左好多相。但整體服務應要改善，侍應唔夠主動幫我地斟酒，又無主動幫我地落單，每次都要等幾分鐘先搵到侍應落單。