Caffe Milani (荃新天地) (Closed)

最近經過荃新天地，經常都會去呢間Caffe Milani 飲咖啡，因為覺得佢用嘅咖啡豆質素很好，今次就嚟試吓佢啲食物，果然冇令我失望。蕃茄忌廉湯皆因蕃茄夠健康，所以揀呢個湯。飲落有着濃厚適中嘅蕃茄味，而且好滑同creamy 。蟹肉扁意粉扁意粉上面鋪上新鮮嘅蟹肉、意粉軟硬度適中，建議加上檸檬汁一齊食，可以帶出蟹肉嘅鮮味。蛋白檸檬撻蛋白外層金黃色，應該係用火槍燒過，食落有點香脆，內裏軟綿綿嘅蛋白有清新嘅檸檬味，而且蛋撻皮夠鬆脆，十分好味。Coconut Latte 咖啡味濃郁，相信係用上優質嘅咖啡豆，再加上淡淡椰子香味，入口感覺十分平衡同匹配。